శనివారం, మార్చి 28, 2009

ఉగాది శుభాకాంక్షలు

అందరికీ హృదయపూర్వక ఉగాది శుభాకాంక్షలు, కాస్త ఆలశ్యంగా. ఏం చేయమంటారు చెప్పండి మరి, ఫలానా రోజే పండగ అనుకునే కన్నా మనకి అనువు గా ఉన్న రోజే పండగ అని జరుపుకోడం అలవాటయి పోయింది మరి. ఉగాది అనగానే మొదట గుర్తు వచ్చేది ఉగాది పచ్చడే నేమో కదా... దీనికి కావలసిన అన్ని దినుసులు సులువు గానే దొరుకుతాయ్ కానీ వేప పూత కోసమే కాస్త కష్ట పడాలి, అంటే ప్రస్తుతం ఇంట్లో పచ్చడి చేసేది తక్కువేనేమో... నా చిన్నతనంలో వేప పూతనీ, మామిడి పిందెలనీ కష్ట పడి వెతికి పట్టుకుంటే, కాస్త పెద్దయ్యాక మార్కెట్ కి వెళితే ఏవి కావాలంటే అవి దొరకేవి. ఇంకాస్త పెద్దయ్యాక స్వగృహలాంటి చోట్ల ఉగాది పచ్చడి కూడా అమ్మేస్తుంటే కష్టపడటం ఎందుకు అనిపిస్తుంది. అదేంటో కానీ బజార్లో కొన్న మామిడి కంటే, అపరిచితుల పెరట్లో ఉన్న మామిడి కే రుచెక్కువ ఎందుకో !! కాస్త చిన్న ఊర్లలో బాల్యాన్ని గడిపిన వాళ్ళని ఎవరిని కదిపినా ఈ విషయం ఒప్పుకుంటారు అవునా :)

రుచంటే గుర్తొచ్చింది. వివిధప్రాంతాల లో ఇంట్లో చేసే ఉగాది పచ్చడి రుచి ఒక ఎత్తైతే మా ఆంధ్రా యూనివర్సిటీ ఇంజనీరింగ్ కాలేజ్ మెస్ లో మా వాడు చేసే ఉగాది పచ్చడి ఉంటుందీ... ఆహా !! ఎలాగో అలా ఉగాది పూట పచ్చడి రుచి చూడాలి అని కోరిక ఒకవైపు, కానీ మా వంట వాడి ఉగాది పచ్చడి రుచి చూసి ఆరోగ్యాలు చెడగొట్టుకుని అసలు ఉగాది అంటేనే విరక్తి కలిగించుకోడం అవసరమా అన్న సందిగ్ద ఒక వైపు చాలా ఇబ్బంది పడేవాళ్ళం ఎలాగయితేనేం ధైర్యం చేసి కనీసం ఒక్క స్పూన్ అన్నా నోట్లో వేసుకున్నాం అని అనిపించుకునే వాళ్ళం అనుకోండి అది వేరే విషయం. అది సరే ఇంతకీ ఈ సంవత్సరం నువ్వు ఉగాది పచ్చడి రుచి చూసావా లేదా అని అడుగుతున్నారా... ఇందాకే చెప్పాను కదండీ మరి, మనకి వీలున్న రోజే పండగ !! ఈ రోజు మరి ఆఫీసు లోనే ఓపిక అంతా అవిరైపోతుందా ఇక ఇలాటి పనులు ఏం చేస్తాం, రేపు శనివారం కదా భాస్కర్ గారి రెసిపీ రెడీ గా పెట్టుకున్నా ఉదయాన్నే వెళ్ళి అన్నీ తెచ్చుకుని మొదలు పెట్టేయడమే... అంతగా కుదర్లేదంటే గుళ్ళు ఎలానూ ఉన్నాయ్ :) వెళ్ళి అక్కడ క్యాష్ కౌంటర్లో ఉన్న అమెరికన్ వాలంటీర్ తో ఒన్ యుగాడి చట్నీ, టుగో అని చెప్తే చాలు, వాళ్ళే ఇచ్చేస్తారు.


అందాకా మీ అందరూ సరదాగా నవ్వుకోడానికి తెలుగువన్ నుండి మల్లిక్ గారి చెణుకు మీ కోసం ఆనందించండి.

10 కామెంట్‌లు:

  1. ఉగాది శుభాకాంక్షలు వేణూ గారు!
    >>

    ఒన్ యుగాడి చట్నీ టుగో - అంటె takeaway అనా?

    రిప్లయితొలగించండి
  2. ఈ కామెంట్‌ను రచయిత తీసివేశారు.

    రిప్లయితొలగించండి
  3. వేణూ గారు..ఉగాది శుభాకా౦క్షలు..

    రిప్లయితొలగించండి
  4. ఉగాది శుభాకాంక్షలు వేణూ గారు!

    రిప్లయితొలగించండి
  5. తెలుగు కొత్త సంవత్సరం మీకు ఎన్నో మధురానుభాతులని అందించాలని...

    గీతాచార్య.

    రిప్లయితొలగించండి
  6. :) నేను గారు థ్యాంక్యూ..

    శ్రావ్య గారు నెనర్లు, అవునండీ Take away నే

    మారుతి గారు,శ్రీ ,నేస్తం,గీతాచార్య గారు నెనర్లు.

    రిప్లయితొలగించండి
  7. విష్ యూ హాపీ టెల్గూ న్యూ ఇయర్ వేణూ !
    :D

    నాక్కూడా చిన్నతనం లో మల్లిక్ కార్టూన్స్ అంటే చాలా ఇష్ఠం. ఆంధ్రభూమి కి కార్టూనిస్టుగా పని చేసేవారనుకుంటా ఆయన.

    నవ్వితే నవరత్నాలు, పరుగో పరుగు ఇలాంటివి క్రమం తప్పకుండా చదివేవాణ్ణి.

    రిప్లయితొలగించండి
  8. హ హ అవును వేణు. నేను కేవలం మల్లిక్ గారికోసమే ఆంధ్రభూమి చదివే వాడ్ని. ఇక నవ్వితే నవరత్నాలు అయితే, సరుకుల పొట్లం లోనో, పకోడీల పొట్లం లోనో కనిపించినా వదలకుండా మళ్ళీ చదివే వాడ్ని. he is so hilarious. పరుగో పరుగు, రాంబాబు లాంటి కొన్ని సీరియల్స్ లో పాటలు కూడా భలే నవ్విస్తూ రాసే వారు.

    రిప్లయితొలగించండి

పోస్ట్ కంటెంట్ తో సంబంధంలేని మరియూ అగ్ర్రిగేటర్స్ ని స్పామ్ చేసే ప్రమోషనల్ కామెంట్స్ ప్రచురించ బడవు.

నేను ???

నా ఫోటో
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.